 |
| رقص الخطية و لحن الموت |
ما اعشقه فى المسيح هو انه لما اراد ان ينهى مشكلة الخطية فى العالم انهاها من جذرها .. يعنى قضى عليها من المنبع !
اديلك مثال .. لو واحد شامم ريحه معفنه فى شقته ! .. ماينفعش يجيب سبراى ياسمين او روز ويرش الشقة .. لان بعد شوية الريحه هاتظهر تانى .. والحل هو انه يبحث منين جايه الريحه دى .. ويشيل السبب اللى جايه منه فتنتهى حكاية الريحه تماما ً.
وده ببساطه اللى عمله المسيح .. مجاش علشان يعطر لنا حياتنا بمعطر ملائكى سماوى !! من ريحه الفساد اللى طالعه مننا ( الخطية ) .
انما كان هدف المسيح هو انه يُزيل ويبطل وينهى ، على الحاجه اللى مطلعه الريحه الفاسده .. ريحة النجاسة و الخصام و الانتقام و البغضه و الحسد و الزنى .. الخ
ايه بقى المصدر اللى جايه منه الريحه دى ؟.. مصدر الريحه دى هو الموت !
يعنى مثلاً ريحة لعازر المعفنه لما كان ميت .. كانت جايه من بقاء جثته فى القبر .. امتى بقى الريحه دى تلاشت وانتهت ؟ .. لما طرد يسوع الموت ونادى قائلاً .. لعازر هلم خارجاً .. فقام الميت
واللى حصل مع لعازر كان صورة عربونيه .. للى عمله المسيح معانا بموته على الصليب وقيامته .. اللى فيها ابطل الموت .. فلم يعد للموت ( الروحى ) سلطان على اى واحد يؤمن به .. لأنه اصبح خليقة جديدة مُقامه لارائحة موت فيها !!
ولما المسيح حمل خطايانا وابطل الموت بموته وقام واقامنا معه .. فهُوَّ بكده ابطل سلطان الخطية (يعنى خلاها ملهاش قيمه ولا وزن ولا فاعليه ).. وبتوضيح اكتر .. ايه فايدة عربيه مرسيدس احدث موديل اتشال منها الموتور ؟!.. او ايه قيمة التهديد اللى بيقوله بلطجى وهُوَّه مقبوض عليه والكلابشات فى ايديه ؟ !! جعير على الفاضى !!
إذاًَ طول ما الموت شغال .. طول ما الخطية شغاله .. زى ما طول ما المزيكا شغاله الرقص بيبقى شغال .. واول ما المزيكا تبطل ، الرقص يقف . هكذا الخطية بترقص على لحن الموت .. واول ما لحن الموت سكّتْ ، اتشلِّت الخطية مكانها .
رو 8: 2 أَعْتَقَنِي مِنْ نَامُوسِ الْخَطِيَّةِ وَالْمَوْتِ
2تي ١:١٠ أَبْطَلَ الْمَوْتَ وَأَنَارَ الْحَيَاةَ وَالْخُلُودَ
مجدى حلمى شندى
يعنى مثلاً ريحة لعازر المعفنه لما كان ميت .. كانت جايه من بقاء جثته فى القبر .. امتى بقى الريحه دى تلاشت وانتهت ؟ .. لما طرد يسوع الموت ونادى قائلاً .. لعازر هلم خارجاً .. فقام الميت
واللى حصل مع لعازر كان صورة عربونيه .. للى عمله المسيح معانا بموته على الصليب وقيامته .. اللى فيها ابطل الموت .. فلم يعد للموت ( الروحى ) سلطان على اى واحد يؤمن به .. لأنه اصبح خليقة جديدة مُقامه لارائحة موت فيها !!
ولما المسيح حمل خطايانا وابطل الموت بموته وقام واقامنا معه .. فهُوَّ بكده ابطل سلطان الخطية (يعنى خلاها ملهاش قيمه ولا وزن ولا فاعليه ).. وبتوضيح اكتر .. ايه فايدة عربيه مرسيدس احدث موديل اتشال منها الموتور ؟!.. او ايه قيمة التهديد اللى بيقوله بلطجى وهُوَّه مقبوض عليه والكلابشات فى ايديه ؟ !! جعير على الفاضى !!
إذاًَ طول ما الموت شغال .. طول ما الخطية شغاله .. زى ما طول ما المزيكا شغاله الرقص بيبقى شغال .. واول ما المزيكا تبطل ، الرقص يقف . هكذا الخطية بترقص على لحن الموت .. واول ما لحن الموت سكّتْ ، اتشلِّت الخطية مكانها .
رو 8: 2 أَعْتَقَنِي مِنْ نَامُوسِ الْخَطِيَّةِ وَالْمَوْتِ
2تي ١:١٠ أَبْطَلَ الْمَوْتَ وَأَنَارَ الْحَيَاةَ وَالْخُلُودَ
مجدى حلمى شندى
ليست هناك تعليقات:
إرسال تعليق