 |
| انت لسه زعلان ؟ |
ابدع الانسان .. فى عملية تحويل النفايات الى طاقة كهربائية مفيدة .. وبهذا تخلص من الاشياء الضارة بالبيئة .. ليحصل فى المقابل على اشياء نافعة ومفيدة .. زى اللى حصل فى بلدية دبى !
كما انه قامت الحضارة الاغريقية والهند القديمة .. بإستخدام الفطريات من النباتات التى تعفنت .. لانتاج مواد مضادة للجراثيم لمكافحة العدوى !! ( ويكيبيديا )
ومفيش شك .. ان هذه الابداعات مستلهمة من الخالق المُبدع .. واللى هو متخصص فى عمليات تحويل الألم الذى يصنعه الشر الى خير .. والموت الى قيامة .. والفشل الى رجاء .. الخ
ولما الرب يقول عن ابليس ، انه قتالاً للناس من البدء .. فهو يعنى انه ( مُفترى ) .. والمفترى هو اللى مش مستنى سبب علشان يهاجمك .. ومش مستنى غلطة علشان يظلمك !! .. ودا يخليك .. متستغربش انك ما عملتش حاجة علشان يحصلك اللى حصلك !!
والقاعدة الاساسية اللى المفروض اننا عارفينها .. هى ان ربنا مش يبجرب حد بالشرور .. سواء اكانت ، مرض .. حرمان من عزيز .. انقسام فى اسرة .. حادثة .. خراب .. الخ
انما الشرور دى من صناعة ابليس .. ضد المؤمنين بإفترا .. يعنى ممكن يرميها من غير سبب .. بس الحكاية مش سايبه .. سداح مداح .. لان الرب بيستخدم .. اللى حدفه ابليس علشان يؤذينا بيه .. ويحوله الى امور مذهلة .. لخيرنا ولتأهيلنا و ترقيتنا وبنياننا .. لمجد اسمه المبارك !!
لان مين دا .. وبأى قوةٍ .. اللى يقدر انه يُفسد ما أبدع الرب فى صُنعه .. واختاره .. وافتداه !!ّ
يعنى ربنا يخلى الالم والضيق اللى سببه لك ابليس .. هو الكوبرى اللى تآخد بسببه مجد يضاف الى رصيدك فى السما !! ( 2كو 4: 17 )
وآدى عندك مثال واضح يوسف .. اللى اتظلم من اقرب الناس اليه !! سابوه لوحده فى بئر .. وباعوه .. وبعد كده يُتهم بالخيانة افترا .. فيتسجن .. ويتنسى من اللى عمل معاه معروف .. وفسرله الحلم .. ووصاه يذكره امام فرعون ليخرجه من السجن !!
ولما تشوف النهاية .. تضرب كف على كف .. ولا كانت فى الخيال النهاية دى !! ان يوسف يبقى الراجل الثانى لاعظم دولة فى العالم !! .. اتارى كل السكة .. اللى اتطحن فيها يوسف كحبة الحنطة .. خلته زى الدقيق الابيض .. ويبقى كخبز يشبع منه اخواته وكل العالم !!
ودا اللى قاله يوسف لاخواته " أَنْتُمْ قَصَدْتُمْ لِي شَرًّا، أَمَّا اللهُ فَقَصَدَ بِهِ خَيْرًا
اتارى ابليس شغال ومبسوط .. انه بيفترى على ولاد ربنا .. ومش دريان ( ولا هايدرى ).. ان كل اللى بيعمله بإفترا.. ربنا بيستخدمه لصالح الملكوت وخير ولاده ..
انت لسه زعلان من اللى حصل ؟ متزعلش .. دا لخيرك !!
مجدى حلمى شندى
انما الشرور دى من صناعة ابليس .. ضد المؤمنين بإفترا .. يعنى ممكن يرميها من غير سبب .. بس الحكاية مش سايبه .. سداح مداح .. لان الرب بيستخدم .. اللى حدفه ابليس علشان يؤذينا بيه .. ويحوله الى امور مذهلة .. لخيرنا ولتأهيلنا و ترقيتنا وبنياننا .. لمجد اسمه المبارك !!
لان مين دا .. وبأى قوةٍ .. اللى يقدر انه يُفسد ما أبدع الرب فى صُنعه .. واختاره .. وافتداه !!ّ
يعنى ربنا يخلى الالم والضيق اللى سببه لك ابليس .. هو الكوبرى اللى تآخد بسببه مجد يضاف الى رصيدك فى السما !! ( 2كو 4: 17 )
وآدى عندك مثال واضح يوسف .. اللى اتظلم من اقرب الناس اليه !! سابوه لوحده فى بئر .. وباعوه .. وبعد كده يُتهم بالخيانة افترا .. فيتسجن .. ويتنسى من اللى عمل معاه معروف .. وفسرله الحلم .. ووصاه يذكره امام فرعون ليخرجه من السجن !!
ولما تشوف النهاية .. تضرب كف على كف .. ولا كانت فى الخيال النهاية دى !! ان يوسف يبقى الراجل الثانى لاعظم دولة فى العالم !! .. اتارى كل السكة .. اللى اتطحن فيها يوسف كحبة الحنطة .. خلته زى الدقيق الابيض .. ويبقى كخبز يشبع منه اخواته وكل العالم !!
ودا اللى قاله يوسف لاخواته " أَنْتُمْ قَصَدْتُمْ لِي شَرًّا، أَمَّا اللهُ فَقَصَدَ بِهِ خَيْرًا
اتارى ابليس شغال ومبسوط .. انه بيفترى على ولاد ربنا .. ومش دريان ( ولا هايدرى ).. ان كل اللى بيعمله بإفترا.. ربنا بيستخدمه لصالح الملكوت وخير ولاده ..
انت لسه زعلان من اللى حصل ؟ متزعلش .. دا لخيرك !!
مجدى حلمى شندى
ليست هناك تعليقات:
إرسال تعليق