والحقيقة انا ماكنتش وآخد بالى من الحكاية دى .. ولقيت اننا مرات كتير .. بنعمل نفس القصة دى بس مش مع الدبان لكن مع الانسان !!
ودا بيحصل لما بننصح حد ، او نوبخه , او نعلمه .. واحنا مش وآخدين بالنا .. هوه سامع ولا مش سامع !! .. فنقعد نقوله هشششش .. بلاش الخطية .. بلاش تعمل كده .. ياواد اسمع الكلام .. انا قلت ميت مرة اسمع الكلام .. ومفيش اى نوع من الاستجابة !!
وطبعاً السبب هو اننا مميزناش انه مش بيسمع .. ولانه مش بيسمع الكلام .. الكلام مابيجبش نتيجة .. ومرات نتدروش ونتروحن .. ونقول بس كلمة ربنا لاترجع فارغه .. وبرضو مش وآخدين بالنا ان الآية دى للى سمعوا مش للى ماسمعوش .
زمان فى بدايات خدمتى اخدنى خادم مشهور جداً لزيارة شخص ما .. واثناء الزيارة استغربت ان الخادم المشهور مش بيتكلم معاه عن المسيح !! فأخذتنى حمية الشباب .. واخذت المبادرة واتكلمت انا وقعدت اوعظه .. وبعد ما خلصت لقيت الشخص ده بيقولى وهو بيمط فى الكلام بررررافوووووو
واحنا مروحين سألت الخادم وقلت له هو فيه ايه ؟! قالى دا كان سكران .. يعنى مش فى وعيه .. يعنى مش سامع حاجه !! واتارينى عمال اقوله هششش هششش وهو مش سامع
اتى اليهود الى المسيح وقالوا له .. ان كنت انت المسيح بجد قل لنا علانية .. فقال لهم انا سبق وقلت .. بس انتم اللى مابتسمعوش .. لانكم مش خرافى .. خرافى هى اللى بتسمع صوتى فتتبعنى ( لو 10 : 25 )
ودا السبب اللى لاجله كان الرب بيتكلم مرات كتير بأمثال قدام اليهود .. مفترضاً ان تلاميذه فاهمين المثل (مر4 : 11)
مت 13: 13 مِنْ أَجْلِ هَذَا أُكَلِّمُهُمْ بِأَمْثَالٍ لأَنَّهُمْ مُبْصِرِينَ لاَ يُبْصِرُونَ وَسَامِعِينَ لاَ يَسْمَعُونَ وَلاَ يَفْهَمُونَ.
مرقس ٤:١١ أُعْطِيَ لَكُمْ أَنْ تَعْرِفُوا سِرَّ مَلَكُوتِ اللهِ. وَأَمَّا الَّذِينَ هُمْ مِنْ خَارِجٍ فَبِالأَمْثَالِ
والكتاب يوضح ان الناس اللى مش عايزه تسمع دى .. هم اصلاً مش عايزين يسمعوا انهم خطاة .. مش عايزين يسمعوا كلمة توب عن الخطية ..والسبب هو انهم بيحبوا الخطية .. وهية دى الدينونة !! .. يعنى ايه ؟ يعنى اللى بيسمع وبيشوف اللى على مزاجه وهواه بس .. هايقعد فى عماه وطرشه .. اما الشخص اللى ادرك انه محتاج الى بصيرة وآذان ليسمع بها هوه ده اللى هايبصر ويسمع ( يو 9 : 39 )
طلبتى وصلاتى هى .. افتح لى آذانى لاسمع كالمتعلمين ( اش50: 5 ).. وانر عينى فلا انام نوم الموت ( مز13: 3 )
مجدى حلمى شندى
1/ 6/ 2017
وطبعاً السبب هو اننا مميزناش انه مش بيسمع .. ولانه مش بيسمع الكلام .. الكلام مابيجبش نتيجة .. ومرات نتدروش ونتروحن .. ونقول بس كلمة ربنا لاترجع فارغه .. وبرضو مش وآخدين بالنا ان الآية دى للى سمعوا مش للى ماسمعوش .
زمان فى بدايات خدمتى اخدنى خادم مشهور جداً لزيارة شخص ما .. واثناء الزيارة استغربت ان الخادم المشهور مش بيتكلم معاه عن المسيح !! فأخذتنى حمية الشباب .. واخذت المبادرة واتكلمت انا وقعدت اوعظه .. وبعد ما خلصت لقيت الشخص ده بيقولى وهو بيمط فى الكلام بررررافوووووو
واحنا مروحين سألت الخادم وقلت له هو فيه ايه ؟! قالى دا كان سكران .. يعنى مش فى وعيه .. يعنى مش سامع حاجه !! واتارينى عمال اقوله هششش هششش وهو مش سامع
اتى اليهود الى المسيح وقالوا له .. ان كنت انت المسيح بجد قل لنا علانية .. فقال لهم انا سبق وقلت .. بس انتم اللى مابتسمعوش .. لانكم مش خرافى .. خرافى هى اللى بتسمع صوتى فتتبعنى ( لو 10 : 25 )
ودا السبب اللى لاجله كان الرب بيتكلم مرات كتير بأمثال قدام اليهود .. مفترضاً ان تلاميذه فاهمين المثل (مر4 : 11)
مت 13: 13 مِنْ أَجْلِ هَذَا أُكَلِّمُهُمْ بِأَمْثَالٍ لأَنَّهُمْ مُبْصِرِينَ لاَ يُبْصِرُونَ وَسَامِعِينَ لاَ يَسْمَعُونَ وَلاَ يَفْهَمُونَ.
مرقس ٤:١١ أُعْطِيَ لَكُمْ أَنْ تَعْرِفُوا سِرَّ مَلَكُوتِ اللهِ. وَأَمَّا الَّذِينَ هُمْ مِنْ خَارِجٍ فَبِالأَمْثَالِ
والكتاب يوضح ان الناس اللى مش عايزه تسمع دى .. هم اصلاً مش عايزين يسمعوا انهم خطاة .. مش عايزين يسمعوا كلمة توب عن الخطية ..والسبب هو انهم بيحبوا الخطية .. وهية دى الدينونة !! .. يعنى ايه ؟ يعنى اللى بيسمع وبيشوف اللى على مزاجه وهواه بس .. هايقعد فى عماه وطرشه .. اما الشخص اللى ادرك انه محتاج الى بصيرة وآذان ليسمع بها هوه ده اللى هايبصر ويسمع ( يو 9 : 39 )
طلبتى وصلاتى هى .. افتح لى آذانى لاسمع كالمتعلمين ( اش50: 5 ).. وانر عينى فلا انام نوم الموت ( مز13: 3 )
مجدى حلمى شندى
1/ 6/ 2017
ليست هناك تعليقات:
إرسال تعليق